وصفة جديدة بالخطوات لحلوى الملفوف تذوب في الفم

وصفة جديدة بالخطوات لحلوى الملفوف تذوب في الفم
وصفة جديدة بالخطوات لحلوى الملفوف تذوب في الفم
وصفة جديدة بالخطوات لحلوى الملفوف تذوب في الفم



السلام عليكم اخواتي
اليوم عملت حلوى الملفوف لكن بوصفة جديدة تختلف عن الوصفة السابقة وتجي احسن منها ذوقا وشكلا
المقادير
العجينة:
400غ مرقرين،200غ زبدة ستار،كاس سكر رطب،4بيضات الصفار نعملوه في العجينة والبياض في الحشو،2خميرة،فاني،كيلو فرينة،9ملاعق كبار حليب سائل

الحشو:
2كاس نواد كوكو،كاس سكر رطب،4ملاعق كاكاو،4بياض بيض،كمية من الماء
الطريقة:
نحضر اولا الحشو نخلط النوادكوكو والسكر رطب والكاكاو ونرحيهم في الروبو وهذا لتسهيل عملية بسطه على العجينة نحط في اناء ونضيف بياض البيض وكمية من الماء لازم الحشو يكون
مطلوق شوية لتسهيل عملية بسط على العجينة
من جهة نحضر العجينة نخلط المرقرين والزبدة والسكر نخلط جيدا ثم نضيف صفارالبيض والحليب ثم الفاني والخميرة والفرينة
نقسم العجينة على ثلاث او اربع كرات
نستعمل النايليون نرش بشوية فرينة ونبسط العجينة بالحلال ويمكن نمسح الحلال بالفرينة لتسهيل بسط العملية ونرقها على قد ما نقدر كما هو موضح





ثم نضع كمية لاباس بها من الحشو ونبسط على العجينة






نبدا نلف العجينة غير بالعقل ونحسب 6لفات ونقطع





نتحصل على حربوش كما في الشكل




بعد ما نكمل العجينة نحط الحرابش في الثلاجة لتسهيل عملية القطع
بعدها نقطعهم مربعات وندخلهم يطيبو في الفرن على درجة حرارة 180درجة لما يطيبو من الاسفل نشعل من فوق حتى ياخذو لون خفيف فقط






بعد ما يبردو تماما نغطسهم في شكولة مذوبة على حمام مائي ونزينهم من فوق حسب الرغبة وهذا شكلهم النهائي





وهذا شكلهم من الداخل





نتمنى تعجبكم الحلوى وتجربوها
لاتنسوني اخواتي من صالح دعائكن خاصة ونحن في هذه الايام المباركة </B></I>